JAMBO JIPYA LA KUJIFUNZA KWA SISI TULIONDAMANA

Wale tuliofiwa, tuliojeruhiwa, tuliokamatwa, ambao tuko sero na tumefikishwa mahakamani juzi tujiulize: 

MOSI: Je tumewaona kina Mange Kimambi misibani, mahakamani, hospital au gerezani kutufariji? Kuna nini wametusaidia zaidi ya kudai watashitaki ICC na EU? 

PILI: Unadhani wanatuonaje kutuambia tuandamane tena  wakati tumeshakufa, hatujui kama tutakuwa tumepona majeraha au mkono wa dola utakuwa umeshatuachia? Si wanatuona hamnazo na mbumbumbu Mzungu wa reli?

TATU: Je mimi  niliyesalimika juzi unadhani ananionaje  kuniambia tarehe 9 Desemba niandamane tena wakati niliponea chupuchupu kwenye kifo juzi? Si kama tu wanatulinganisha na mbuzi wa kafara? Si unajua sasa kuwa wao hawataandamana? Je si sasa pia unajua askari hawatumii fimbo kutuzuia kuchoma mali za umma na mali za masikini wenzetu?

NNE: Je unajua tuliyemchomea gari, tukapora duka lake ana hasira kiasi gani na sisi? Unadhani hiyo tarehe 9 Desemba atakuwa mikono tupu? Hatakaa na bastola au rifle au mkuki wa sumu? 

TANO: Je unajua safari ijayo serikali haitakubali tena tuchome miundo mbinu iliyoijenga kwa gharama kubwa ya kodi zetu? Kama juzi iliweza kutuua sisi majambazi, wahalifu na vibaka  unadhani hiyo 9 Desemba itatuacha? Mnategemea raia wenzetu wasikitike tukiuawa wakati tunachoma huduma ya usafiri? 

SITA: Unadhani kuchoma miundombinu,na kuiba ndio njia sahihi za sisi kudai haki zetu? 

Tusisubiri tukanywe na mama zetu kwa ule wimbo wa asiyesikia la mkuu . Tujikanye wenyewe kabla hatujapata balaa.

Watu wameshasema hawataomboleza tena tukiuwawa mara ya pili kwa uhalifu na vurugu maana wanaamini hatuandamani bali sisi ni waporaji na vibaka kama vibaka wengine tu. 

Kwa kifupi taifa haliwezi kuvumilia uhalifu, uasi na uvunjifu wa amani na uharibifu wa mali za umma na binafsi kwa kisingizio cha kudai haki kupitia mgongo wa demokrasia.